Gjykata Themelore e Prizrenit, Departamenti për Krime të Rënda, ia shqiptoi dënimin të akuzuarit V. M. prej 15 viteve burgim efektiv.
Dënimi iu shqiptua të akuzuarit pasi u shpall fajtor, për veprën penale vrasje e rëndë.
“Dënimi do të llogaritet edhe koha e kaluar në paraburgim nga data 25.06.2013”, thuhet në kumtesën e gjykatës.
“I akuzuari me datën 05.06.2013, rrethë orës 21:00, pas një fjalosje dhe përleshje paraprake fizike, privon nga jeta në mënyrë mizore, tani të ndjerin I.K. nga fshati Ratkoc – Komuna e Rahovecit, ndërsa trupi i dekompozuar i viktimës është gjetur me datën 16.06.2013 rrethë orës 16:00 skaj rrugës regjionale Suharekë-Rahovec nga një kalimtar i rastit”. /PrizrenPress.com