Qendra Kryesore e Mjekësisë Familjare e Prizrenit ka nisur sot me kontrollet sistematike të nxënësve të shkollave fillore.
Procesin e fillimit të kontrolleve sistematike e ka parë nga afër kryetari i Komunës, Mytaher Haskuka.
“Qëllimi i kontrolleve mjekësore është parandalimi dhe zbulimi i hershëm i disa sëmundjeve dhe deformimeve që janë karakteristike për këto grupmosha”, njofton Komuna e Prizrenit.
“Kontrollet kryesore që do të bëhen janë: parametrat antropometrikë (peshë dhe gjatësi), të shikuarit normal, kontrollim i anatomisë së shtyllës kurrizore dhe kraharorit, kontrollimi i shputave, auskultimi (dëgjimi) i toneve të zemrës dhe frymëmarrjes dhe hemogrami/ pasqyra e gjakut”.
“Sivjet, për shkak të epidemisë së fruthit, do të kontrollohen dhe pasaportat e vaksinimit me qëllim të evidentimit të fëmijëve të cilët eventualisht nuk janë vaksinuar kundër fruthit”./PrizrenPress.com/