Është promovuar ribotimi i librit të prof.dr. Yll Zajmit “Fan Noli- jeta dhe veprat”.
Redaktori i librit, Nazmi Rrahmani, tha se ky botim ka një rëndësi të veçantë.
“Sepse autori përmes një analize të argumentuar na rrëfen për karakteristikat e Fan Nolit në shumë fusha, të cilat kanë lënë gjurmë sidomos në krijimtarinë letrare dhe në rolin e letërsisë shqipe në përgjithësi”, tha Rrahmani.
Ndërkaq, profesor Hajdar Mallaku, tha se në këtë botim janë shtjelluar shumë tema komplekse për një figurë poliedrike sic ishte Fan Noli.
Autori i librit, Yll Zajmi, Fan Nolin e quajti ndër figurat më të rëndësishme historike dhe nacionale. /TVPZ/