Libri “Trungu i familjes sime…” i autorit Mujë Sadri Krasniqi është promovuar të dielën në Prizren. Recensentët kanë vlerësuar lartë librin. Historiani Enver Batiu tha se autori me sukses ka arrit të trajtojë dhe përgatisë gjenealogjinë familjare.
“Ky libër është mjaft i rëndësishëm jo vetëm për familjen e autorit, por edhe për historinë e kombit tonë”, tha Batiu.
Autori Mujë Sadri Krasniqi në këtë libër ka përmbledhur hulumtimin e të dhënave të paraardhësve të familjes së tij deri të zinxhiri i sotëm i martesave mashkullore dhe femërore. Ai ka paraqitur dëshmi të trashëgimisë kulturore të familjes së tij dhe fshatit Astrazup.
“Historia jonë është shkruar nga autorët e huaj,prandaj edhe nuk është shkruar ashtu siç ka qenë. Autori me këtë libër na udhëzon se historinë familjare e kombëtare duhet ta shkruajmë ashtu siç ka qenë e jo siç na kanë përshkruar të tjerët”, tha Batiu.
Vlerësime të mira për librin “Trungu i familjes sime…”, ka dhënë edhe redaktori Berat Batiu. Ai tha se autori me këtë libër ka pasuruar historinë e kombit tonë.
“Autori me këtë libër ka pasuruar bibliotekat dhe historinë tonë”, tha Batiu.
Autori i librit, Mujë Sadri Krasniqi tha ndërkaq se ideja për përgatitjen e gjenealogjisë familjare ka qenë e kamotshme.
“Kjo për faktin se gjeneratat e reja nuk kanë pasur material të mjaftueshëm për t’i kujtuar gjeneratat e hershme dhe të vijojnë plotësimin me shënimet e të dhënave gjenealogjike”, tha Kasniqi./PrizrenPress.com/