-0.2 C
Prizren
E martë, 29 Nëntor, 2022

PSG-ja dhe City fillojnë garën për transferimin e Messit

Nga njëra anë dëshira për të rinovuar me Barcelonën, nga ana tjetër interesimi i klubeve më prestigjioze evropiane, të cilat qëndrojnë në dritare, duke pritur të dinë zhvillimet e negociatave.

E ardhmja e Leo Messit është ende pezull. Kampioni argjentinas është ende zyrtarisht pa kontratë. Lidhja me Barcelonën përfundoi më 30 qershor.

Një situatë që, sipas raporteve të “Mundo Deportivo”, po i dërgon PSG-në dhe Manchester Cityn drejt një sulmi të ri për gjashtë herë fituesin e “Topit të Artë”.

PSG-ja nuk fshihet. Presidenti Nasser Al-Khelaifi tashmë kishte bërë deklarata të rëndësishme muajt e fundit: “Unë kurrë nuk kam folur për negociatat në progres, por presidenti i Barcelonës e di që Messit do t’i skadojë kontrata dhe është i lirë të flasë me këdo. Ne të gjithë kemi të drejtë të negociojmë me të”.

Sipas gazetës spanjolle, PSG-ja që në radhët e veta e ka Neymarin, një mik i madh i Messit, dhe futbollistët argjentinas Di Maria, Paredes dhe Icardi mund të ndikojnë në transferimin e “Pleshtit”. Manchester City është gjithashtu shumë i interesuar për këtë çështje. Britanikët mund të përfitojnë nga prania e trajnerit Pep Guardiola dhe do t’i plotësonin ambicien lojtarit për ta fituar Ligën e Kampionëve, një synim që Manchester City ia ka vendosur vetes për sezonin e ardhshëm.

Më Shumë

Krasniqi thotë se propozimet e PDK-së për dialogun po merren si model

Kryetari i Partisë Demokratike të Kosovës, Memli Krasniqi, vlerëson se kërkesat e dhe propozimet që i ka dhënë ai dhe partia e tij për...

Ja kur iu dalin studentëve shtesat e qeverisë prej 100 euro

Ekzekutimi i shtesave nga 100 euro për grupin e parë të studentëve aplikues pritet të ndodhë brenda këtij muaji. Ani se nuk është bërë i...

Lajmet e Fundit