Sot në orët para të ditës, në afërsi të fabrikës së masave plastike në Rahovec, një qen ka kafshuar një fëmijë tetëvjeçar (A.Sh).
Fëmija është dërguar menjëherë në Qendrën e Mjekësisë Familjare në Rahovec, ku i është ofruar ndihma e parë mjekësore, ndërsa më pas urgjentisht është dërguar në spitalin rajonal “Isa Grezda” në Gjakovë.
Gjendja e fëmijës është jashtë rrezikut për jetë, ndërsa Policia në Rahovec ka nisur të hetojë nëse qeni ka qenë i vaksinuar apo ishte qen i braktisur. /RahovecPress/
