Në bazë të rrethanave të krijuara në skenën politike Kosovare, maksimumi që mund të merrë PDK-ja është hyrja në një Qeveri teknike.
Kështu ka vlerësuar analisti, Artan Muhaxhiri, i cili ka shtuar se PDK-ja edhe po angazhohet për një qeveri të tillë, pasi që sipas Muhaxhirit kjo parti me 36 vota nuk mund të bëjë diçka më shumë.
“Maksimumi që mund të marrë PDK-ja në rrethanat aktuale është hyrja në ndonjë Qeveri teknike, prandaj me çdo mjet po mundohet që mos të lëshoj pe në postin e kryeparlamentarit. Kjo është në rast se Blloku vazhdon të jetë unik, sepse në të kundërtën, nëse nonjëra parti largohet nga ky koalicion, atëherë mund të ndryshojnë rrethanat”, ka deklaruar Muhaxhiri.