1.1 C
Prizren
E premte, 7 Shkurt, 2025

Quni shpreh ngushllime për vdekjen Nikollë Kërhanajt

Anton Quni, kryetar i LDK-së në Prizren, ka shprehur ngushëllime për vdekjen e veprimtarit dhe ish kryetarit të nëndegës në Zym, Nikollë Kërhanaj.

“Me pikëllim të thellë morëm lajmin se ka ikur nga kjo botë, veprimtari ynë i ditëve të para, ish kryetar i nëndegës në Zym, shkrimtari, historiani, etnologu dhe mësuesi i dashur, Nikollë Mark Kërhanaj”, ka shkruar Quni në llogarinë e tij në Facebook.

Postimi i plotë:

Me pikëllim të thellë morëm lajmin se ka ikur nga kjo botë, veprimtari ynë i ditëve të para, ish kryetar i nëndegës në Zym, shkrimtari, historiani, etnologu dhe mësuesi i dashur, Nikollë Mark Kërhanaj.

Mësuesi Kërhanaj do të jetoi në kujtimet tona si njeriu i urtë dhe i fjalës, dashamirës i pendës, artit e i kulturës dhe intelektuali i palodhur që organizoi me dekada Manifestimin Letrar për At Shtjefën Gjeçovin.

Veprimtaria letrare e shkencore e Nikollë Kërhanaj, do të shërbejë si udhërrëfim për ne dhe brezat e ardhshëm se si duhet të punohet e ruhet e kaluara jonë e lavdishme përmes veprave.

Lidhja Demokratike e Prizrenit i shpreh ngushëllime të sinqerta familjes së nderuar Kërhanaj, komunitetit letrar, kolegëve, miqëve dhe gjithë bashkëpunëtorëve e njerëzve me të cilët i ndjeri ka rrugëtuar.

Me veprimtarinë e Nikollë Kërhanajt nuk do të ndjehen krenar vetëm familja e tij, jo vetëm Prizreni e Kosova por e gjithë hapësira shqiptare.

I lehtë të qoftë dheu i Kosovës, pushofsh në paqe e shpirti të bëftë dritë Nikollë Kërhanaj.

LDK – Prizren

Kryetar,
Anton Quni

Më Shumë

Arrestohen dy persona në Prizren, sulmuan policët gjatë shqiptimit të gjobës

Dy persona janë arrestuar në Prizren pasi kanë sulmuar fizikisht zyrtarët policor gjatë shqiptimit të një gjobe për shkelje të rregullave të trafikut. "Dy të...

35 vjet nga nisma e pajtimit të gjaqeve në krye me Anton Çettën

2 shkurti i 1990-tës shënon nisjen e aksionit atdhetar dhe humanitar për faljen e gjaqeve.   Në krye të kësaj u vu atdhetari, Anton Çetta. Kjo iniciativë...

Lajmet e Fundit