Kandidati i LDK-së për kryetar të Prizrenit, Anton Quni, në kuadër të fushatës ka vizituar lagjen “2 Korriku” dhe Stacionin e Autobusëve.
Ai, në këto vizita, ka premtuar mbështetje .
“Ditën time e vazhdova me një vizitë në lagjen “2 Korriku”, ku takova banorë me të cilët bashkëbisedova për shqetësimet dhe kërkesat e tyre. Mungesa e investimeve në këtë lagje që po rritet çdo ditë vërehet në çdo hapë që bënë.Gjatë qeverisjes sime, lagjet periferike që po zgjerohen do të marrin të gjitha shërbimet e nevojshme për jetë të mirë e të dinjitetshme”, shkruan Quni.
Quni ka premtuar mbështetje edhe për Stacionin e Autobusave.
“E kam vizituar, Stacionin e Autobusëve, ku nga drejtori Fidan Çengaj u njoha nga afër me problemet që e përcjellin këtë institucion. Stacioni i Autobusëve ndonëse është pasqyrë e qytetit të Prizrenit, nuk e ka marrë përkujdesin dhe vëmendjen e duhur. Gjatë qeverisjes sime, Stacioni i Autobusëve, do të ketë vëmendjen që meriton”, shkruan Quni.
