Prizreni njihet si një ndër qytetet më të vjetra të Kosovës dhe më i vizituari nga turistët.
Rrjedhimisht kjo ka bërë që edhe rrjeti i kanalizmit të jetë vjetruar dhe gypat duhet të ndërrohen.
E në kuadër të investimeve në infrastrukturë, në sheshin e Prizrenit kanë nisur punimet të ndërrimit të gypave të kanalizimeve.
Por, bizneset po ankohen se po dëmtohen vazhdimisht duke marrë parasysh se punimet në sezonin e pranverë/verë.
“Gjithmonë punimet kryhen në kohën më të keqe për ne. Ato zgjasin me muaj të tëra. Nuk kryhen punët me pesë gjashtë punëtorë. Për më e keqja që çdo vjet kryhet nga një punë edhe atë nga dy herë”, tha për Telegrafin një prej pronarëve të lokaleve në Shatërvan.
Kujtojmë se punimet kanë filluar tash mbi një muaj e gjysmë ndërsa nuk ka asnjë tabelë paralajmëruese se kur do të përfundojnë ato. /Telegrafi/
