Një qytetar nga Prizreni F.H ka gjetur një shumë të caktuar të hollave në rrugën “Zahir Pajaziti”, në Prizren.
Ai menjëherë e ka njoftuar policinë dhe të hollat e gjetura i ka dorëzuar në stacionin policor të Prizrenit.
Kjo shumë e të hollave deri më tani nuk dihet se kujt i takojnë (i kanë humbur), prandaj policia ka lutur pronarin e vërtetë të këtyre të hollave të paraqitet në stacionin policor në Prizren ku duhet të vërtetohet pronësia për t’ia dorëzuar ato.
Drejtoria Rajonale e Policisë në Prizren e ka falënderuar qytetarin F.H për gjestin human dhe shembullor me rastin e dorëzimit të hollave të gjetura në stacionin e policisë.