Një ngjarje e pazakontë ka ndodhur në fshatin Ratkoc të komunës së Rahovecit. Një nxënës i klasës së tetë e ka sulmuar shokun e klasës, me kompas, duke i shkaktuar lëndime të rënda në këmbë. Kështu i ka thënë Gazetës Blic një banor i këtij vendi.
“Pas një përplasje ndërmjet dy nxënësve të klasës së 8, njëri e ka sulmuar shokun e klasës me kompas, duke i shkaktuar lëndime të rënda trupore. I lënduari është dërguar me urgjencë në Spitalin e Gjakovës”, ka thënë ky banor fshatit Ratkoc për Gazetën Blic.
Siguria në shkolla vazhdon të jetë shqetësuese. Përkundër që Ministria e Arsimit ka nënshkruar marrëveshje me Ministrinë e Brendshme, siguria në shkolla vazhdon të jetë shumë e ulët, dhe numri i therjeve dhe rrahjeve vazhdon të jetë shumë i lartë.