Mikrobiologu, Lul Raka ka thënë se një dozë e vetme e vaksinës AstraZeneca, pas 21 ditësh e ka mbrojtjen 100 për qind.
Raka tha se imunizimi për COVID-19 me vaksinën Astrazeneca se në Kosovë pas 21 ditëve pritet të parandalojë vdekjen dhe nevojën për t’u hospitalizuar.
“Vaksinat që janë në përdorim në Kosovë, vetëm një dozë e AstraZenecës mbas 21 ditëve mbron 100 për qind nga vdekja dhe sëmundja e rëndë. Nëse parandalon vdekjen edhe hospitalizimin, njëkohësisht parandalon edhe ngarkesën e sistemit shëndetësor në spitale. Ky është qëllimi i mbarë, ky është qëllimi i parë i vaksinimit, e i dyti është edhe ai imunizimit të personelit shëndetësor, se janë në vijën e frontit. Qëllimi tjetër është rihapja e shoqërisë”, tha Raka gjatë diskutimit.
Gjithashtu në këtë diskutim u fol edhe për imunizimin e rregullt të fëmijëve, ku Raka tha se duhet të bëhet pasi fal këtij imunizimi janë larguar shumë sëmundje, si paraliza e fëmijëve, fruthi, lija shumë sëmundje të tjera.
Raka tha se rreziku i mos imunizimit të rregullt mund të shkaktojë shpërthim të fruthit, që sipas tij fruthi është një sëmundjet ngjitëse më e rrezikshme se virusi COVID-19, ku 1 person me fruth, infekton 16 persona të tjerë.
Për prindërit që nuk kanë kryer vaksinimin e rregullt të fëmijëve për imunizim, Raka tha se mund t’i kthehen kalendarit të imunizimit të rregullt edhe nëse datat e vaksinimit i kanë kaluar, duke dhënë mesazh kështu që të mbrohet shëndeti i fëmijëve.
Këto komente ai i bëri gjatë një bashkëbisedimi të organizuar për javën e imunizimit në botë nga UNICEF. /Telegrafi/