Sekretari i Aleancës për Ardhmërinë e Kosovës, Burim Ramadani, thotë se nga sot priten edhe surpriza të reja.
Ramadani thotë se loja do vazhdojë sot dhe se zgjedhjet, sipas tij, nuk janë larg.
“Loja në Parlament vazhdon so. Surpriza nga më të ndryshmet sot dhe në ditët në vijim. PDK e fitoi pjesën e parë të lojës së vet. E mori udhëheqjen e Parlamentit, duke e ndarë paraprakisht Bllokun e mëhershëm”, thotë Ramadani, duke shtuar se në këtë mënyrë, kjo parti “tashmë nuk rrezikon mbetjen në opozitë”, raporton Koha.net.
“Në vazhdim, surprizat e radhës. Vetëkënaqësia e LDK-së mund të përfundojë së shpejti, për të kaluar në zgjedhje të shpejta”, ka përfunduar Ramadani