Reklama me femra striptiste shqetëson durrsakët. Ka disa ditë që makina me disa tabela reklamojnë hapjen e një lokali striptistesh në qytet.
Makinat qarkullojnë nga mëngjesi në mbrëmje në rrugët e qytetit bregdetar dhe qytetarët të shumtë ankohen se dhe kjo nuk është etike pasi grupmosha të mitura përballen me to në cdo orë të ditës.
“Si mund të jetë e hijshme kjo gjë kur rrugës kalojnë njerëz të grupmoshave të ndryshme, ndër këto edhe fëmijë, të moshave nga 5 deri 14 vjec. Cfarë kulture do të marri ai fëmijë? Cfarë do të mendojnë rreth këtyre femrave lakuriqe? A do të ketë ai një fjalor të pastër në familje ose në shoqëri? Në vend të reklamohen gjëra në dobi të këtyre grupmoshave reklamohen këto pisllëqe të turpshme vetëm që disa manjak të lekëve të fitojnë më shumë lekë dhe ky shtet i korruptuar i lejon pa pikë problemi sepse dhe vetë ka përqindje të lartë fitimi”, shprehet A. Prozllomi, banor i Durrësit.