Maturantët e Shkollës së Mesme Ekonomike “Ymer Prizreni” dhe “Remzi Ademaj” në Prizren, pushimin e fundvitit shkollor po e kalojnë në bregdetin shqiptar, përkatësisht tek “Shkëmbi i Kavajës”. Edhe pse maturantët e këtyre dy shkollave pushimet e tyre po i kalojnë tek “Shkëmbi i Kafajës”, çmimi i pagesës nuk është i njëjtë.
Maturantët e “Ymer Prizreni” për gjashtë ditë të pushimit kanë paguar 79 euro, ndërsa ata të “Remzi Ademajt” 112 euro.
Mësimdhënësit Muhamed Ramadani dhe Gjylije Margilaj shprehen të kënaqur me kushte e mira dhe të lirë që ia ka ofruar kompania për maturantët.
Drejtori i Shkollës “Ymer Prizrenit” Reshit Kushaj, falënderon kompaninë për çmimin dhe kushtet e ofruar për maturantët.
“Edhe çmimet këtë vit ishin të kapshme për xhepin e secilit, kurse ajo që dëshirojmë të falënderojmë është fakti se ishin 12 nxënës maturantë për të cilët këtë pagesë e ka marrë përsipër kompania e autobusëve”, tregon Kushaj.
Ekrem Veselaj,pronar i Kompanisë “Shpejtimi Tours” tregon se 12 maturantët për shkak të gjendjes ekonomike nuk ka dashur që t’i ndanë nga kolegët.
Artur Legisi, pronar i hoteli “Grand” në Durrës pohon ndërkaq se maturantët e Prizrenit janë më të kulturuar nga të gjitha qytetet e Kosovës. /Kosova sot/