Komuna e Malishevës të dielën ka bërë të ditur se si pasojë e reshjeve të pandërprera gjatë dy ditëve të fundit, është rritur niveli i ujit në lumin Mirusha, i cili në disa vende ka dalë nga shtrati, duke përmbysur toka bujqësore, por pa dëme. Sipas njoftimit të autoriteteve lokale, të gjitha rrugët janë të kalueshme dhe nuk janë regjistruar depërtime të ujit në ndonjë shtëpi.
Po ashtu si pasojë e erërave të forta banorët e disa fshatrave të Malishevës kanë njoftuar për dëme të shkaktuara sidomos në qatitë e shtëpive dhe në shtyllat e rrjetit elektrik.
