17.9 C
Prizren
E diel, 31 Gusht, 2025

Rexhaj: Besoj në fisnikërinë e qytetarëve të Prizrenit

vv hap tubiminLëvizja Vetëvendosje! në Prizren, ka hapur zyrtarisht fushatën zgjedhore. Kandidati për kryetar të Prizrenit, Arbër Rexhaj, në këtë tubim tha se këto zgjedhje do të jenë një kapitull i ri ku do të ndryshohet mendësia e vjetër me një mendësi të re. “Do të hapet një kapitull ku do t’i jepet rast qytetarit të thjeshtë që të ndihet pjesë aktive dhe e respektuar e shoqërisë. Një kapitull ku qeveria do të jetë e qytetarëve, e dal nga vullneti i saj dhe për interesat e saj. Tash e 8 vite, qytetarët më së shumti i kanë vuajtur pasojat e korrupsionit dhe nepotizmit, të cilat kanë shkatërruar çdo tendencë të zhvillimit ekonomik e shoqëror në Prizren”, tha Rexhaj

Ai tha se beson në shpirtin e madh të qytetit të Prizrenit. “Besoj në vlerësimin fisnik të këtij qyteti. Dhe me 3 nëntor, ky vlerësim do të jetë për Lëvizjen Vetëvendosje”, tha Rexhaj.

Kandidati për kryetar të Prizrenit,Arbër Rexhaj ka marrë mbështetje edhe nga deputeti i Parlamentit të Kosovës nga radhët e VV-së,Visar Ymeri. Ai tha se tani është koha që qytetarët e Prizrenit të shprehin vullnetin dhe marrin vendimin për të ardhmen e tyre. “Ky qytet ka nevojë për ndryshim rrënjësor, dhe për ta bërë këtë duhet pasur dija, vullneti dhe guximi. Të gjitha këto i gjejmë tek Arbër Rexhaj”, tha Ymeri.

Sipas tij Lëvizja Vetëvendosje! është i vetmi subjekt që po rritet në Kosovë. “Dhe fitorja jonë e madhe do të nisë nga Prizreni”, tha Ymeri./PrizrenPress.com/

Më Shumë

Trevon Allen, përforcimi i ri i Yllit

Golden Eagle Ylli ka njoftuar transferimin e basketbollistit amerikan Trevon Allen për sezonin 2025/2026, raporton PrizrenPress. Ky përforcim vjen në një vit të veçantë për...

Policia në Prizren kërkon ndihmën e qytetarëve për arrestimin e Fidan Husmanit

Policia e Kosovës me autorizim të Prokurorisë Themelore në Prizren ka kërkuar ndihmën e qytetarëve për arrestimin e Fidan Husmanit, i lindur në Belgjikë. Policia...

Kërkimi

Lajmet e Fundit