Artisti irlandez, Richard Mosse, i cili përdori filma të ndërprerë të përgjimeve ushtarake për të portretizuar peisazhet luftarake të Republikës Demokratike të Kongos fitoi çmimin e fotografisë “Deutsche Borse” në vlerë prej 30 mijë funtesh. Ai u vlerësua lartë për instalacionin e tij multimedial në Pavijonin e Irlandës në kuadër të Bienales së Venedikut. Instalacioni mban titullin “The Enclave”
Sipas “The Guardian”, Mosse kaloi tre vite në lindje të Kongos dhe përdoi film prej rrezeve infra të kuqe, film ky që paraprakisht ishte përdorur në ushtri për të përgjuar caqet e kamuflura.
Vepra e tij rezultoi me filma, tinguj dhe fotografi tejet të bukura, që rrëfejnë për një konflikt që la pas vetes 5.4 milionë njerëz të vdekur.
Brett Rogers, drejtoresha e jurisë së çmimit, ka thënë se sikur fotografitë e Mosse-s të ishin natyrale, nuk do të ishin kaq të fuqishme. Rogers udhëhoqi një juri të përbërë prej Jitka Hanzlova, Kate Bush, Thomas Seelig dhe Anne-Marie Beckmann.