Pas ribashkimit për disa muaj, Rihanna dhe reperi Drake duket se janë ndarë sërish.
Bukuroshja 26-vjeçare dhe Drake kanë patur një marrëdhënie pajtimesh dhe ndarjesh që daton qysh në vitin 2009. “Riri” iu bashkua fansave në një koncert të Drake në Paris në muajin shkurt, por romanca duket se ka përfunduar.
“Ai është shumë i dashuruar me të dhe ky ka qenë gjithmonë një problem. Ata janë zënë me njëri-tjetrin, por gjithçka mund të ndryshojë sepse kështu janë të dy ata”, shton burimi për “US Weekly”.
Reperi Drake nuk është parë as në “after party”-n që Rihanna zhvilloi pas eventit të përvitshëm “Met Gala”, ku kishte ftuar të gjithë miqtë e saj.
Takimi i tyre i parë ishte në 2009 pasi Rihanna ishte viktimë e dhunës nga i dashuri i saj i atëhershëm, këngëtari Chris Brown.