Rok-grupi britanik, Pink Floyd, do të lansojë albumin e ri në muajin nëntor.
I titulluar “The Endless River” do të përmbajë 18 këngë të reja dhe përmban incizime nga anëtarët e grupit David Gilmour, Nick Mason dhe Richardh Wright, që vdiq në vitin 2008. Anëtari i katërt Roger Waters kishte lënë grupin më 1985 dhe nuk është i përfshirë në albumin e ri.
Fansat mund të dëgjojnë edhe materiale të grumbulluara nga albumi “The Division Bell” që ishte lansuar në vitin 1994.
Në një njoftim, Gilmour, premtoi se bendi ka shtuar pjesë të reja dhe ka riincizuar këngët tjera për albumin e ri.
Pink Floyd u themelua më 1965 dhe janë një nga grupet më të suksesshme në histori.
“The Endless River” do të dalë në treg më 10 nëntor.