30.8 C
Prizren
E diel, 7 Gusht, 2022

Ronaldo afër t’i bashkohet Messi-t te PSG

Edhe një herë PSG-ja dëshiron të tërheqë vëmendjen e merkatos evropiane dhe gati një muaj pas zërave për ardhjen e mundshme të Cristiano Ronaldos në skuadrën franceze, ata kanë vënë sërish syrin te veterani.

Paris Saint-Germain, është fiksuar pas fitimit të Ligës së Kampionëve, prej muajsh shpreson të bashkojë dy nga lojtarët më të mirë në botë dhe në historinë e futbollit: Cristiano Ronaldo dhe Lionel Messi.

Ronaldo ka folur tashmë në disa raste për dëshirën e tij për t’u larguar nga klubi anglez me synimin për t’iu bashkuar një ekipi me një vend në Champions League të sezonit të ardhshëm, siç është PSG.

Gazetari portugez Pedro Almeida tha se këshilltari i ri sportiv i PSG-së, Luis Campos, me sa duket tashmë ka qenë në kontakt me agjentin e Ronaldos, Jorge Mendes, për të diskutuar mundësinë e sjelljes së reprezentuesit legjendar të Portugalisë.

“Cristiano nuk është përfshirë në listën përfundimtare të Manchester United për të udhëtuar në Tajlandë (për parasezon), dhe mundësia që portugez të largohet nga ekipi është shumë e madhe”, deklaroi Almeida.

Përveçse nuk udhëtoi me skuadrën në Azi, Ronaldo nuk u paraqit në ditën e parë të stërvitjes së Manchester United të hënën, dhe thashethemet për një largim të mundshëm nga skuadra filluan menjëherë të dalin në sipërfaqe, veçanërisht duke pasur parasysh dëshirën e lojtarit për të marrë pjesë në Ligën e Kampionëve.

Deri më tani, thashethemet për largimin e Ronaldos kanë përfshirë fjalët se ai mund të kalojë në ekipe si Barcelona, ??Bayern Munich dhe së fundmi Chelsea në Premier League.

Për momentin, Ronaldo ka postuar disa foto në rrjetet e tij sociale ku shihet ai dhe familja e tij në pushime.

 /Albanianpost.com

Filloi ndërtimi i projektit “Park Residence”

Bëhu me banesë pranë Parkut të Qytetit
Përjetoni qetësin dhe rehatin pranë Lumbardhit
Lokacioni i përshtatshëm me lokale afariste përgjatë rrugës kryesore!

Më Shumë

Boksierët më të dashur dhe më të urryer në internet

Cilët janë boksierët më të dashur dhe më të urryer nga publiku në internet urrejtje? Përdoruesit e internetit e renditin Tyson Fury si luftëtarin...

Dua Lipa, si imazh i Kosovës edhe në pullë postare

Posta e Kosovës sot ka bërë promovimin e pullës postare “Dua Lipa”. E pranishme në këtë promovim ishte edhe vetë këngëtarja me famë botërore.   Dua...

Moti sot dhe nesër

Lajmet e Fundit