Dy raste të rrahjes kanë ndodhur në dy fshatra të Rahovecit. Rasti i parë ka ndodhur në fshatin Soniq, ku një person sulmon fizikisht viktimën.
“Viktima ka pësuar lëndime trupore dhe i njëjti ka pranuar tretman mjekësor”, njofton Policia e Kosovës. Me urdhër të prokurorit i dyshuari është dërguar në mbajtje.
Ndërkaq, rasti i dytë ka ndodhur në fshatin Krushë e Madhe. Sipas policisë, në këtë fshat sulmi ka ndodhur me kondakë të armës.
“Viktima ka raportuar se për shkaqe të panjohura është sulmuar fizikisht me kondak të armës nga i dyshuari”.
“Viktima ka pësuar lëndime trupore dhe i njëjti ka pranuar tretman mjekësor. Policia ka konfiskuar armen (pistolete) me një karikator me pesë fishek”.
Me urdhër të prokurorit rasti ka shkuar në procedure të rregullt./PrizrenPress.com/