Dani Rodriguez, është rrëfimtare që gjithmonë kërkon frymëzim të ri. Ajo është nga Argjentina, dhe përmes fotografive tregon histori të ndryshme.
“Kur isha e vogël nëna më mësoi dashurinë për librat, mësova të udhëtoja me imagjinatën time e të jetoja në aventura të pabesueshme. Bota ime ishte e mbushur me karaktere magjike, të admirueshme e vende të mrekullueshme. Çdo libër, ishte një udhëtim i ri për mua”, thotë ajo, transmeton Koha.net.
Ajo thotë se gjithmonë ka dashur të bëhet shkrimtare, madje, ka shkruar histori të ndryshme që kur ishte 13 vjeçe.
“Jeta e përvoja më udhëzuan në rrugë tjetër, kam zbuluar se jo të gjithë ata që lexojnë mund edhe të shkruajnë”, ka thënë Rodriguez.
Kur fotografia erdhi tek unë, thotë ajo, ishte momenti më i nevojshëm “sepse isha në kërkim të vetvetes”.
“Me kalimin kohës e kuptova se kisha histori të ndryshme në të gjitha fotografitë që kisha realizuar. Secili imazh i imi tregonte diçka, tregonte një aventurë, ato ishin imazhe me tregime”, tha ajo.
Më poshtë gjeni disa fotografi të Rodriguez, e cila përmes tyre shfaq tregime e histori të ndryshme.
