3.8 C
Prizren
E martë, 27 Shkurt, 2024

S’dihet gjendja e ish-pjesëtarit të UÇK-së nga Prizreni që u arrestua në Serbi

Kishte marrë rrugën për Itali së bashku me vëllain, por arritjen në destinacion zgjodhi ta bëjë përmes Serbisë.

Pikërisht në pikën kufitare me këtë shtet në Merdar, kosovari Hasan Dakaj u arrestua mëngjesin e së premtes nga policia serbe, vetëm pse ka qenë pjesëtar i Ushtrisë Çlirimtare të Kosovës.

Mirëpo më shumë se 24 orë nga arrestimi, nuk dihet gjendja e Dakajt. Mbrëmë u paralajmërua se udhëheqësi i Zyrës Ndërlidhëse të Kosovës në Serbi, Jetish Jashari do të kërkojë që ta vizitojë Dakajn, mirëpo të premten diplomati Jashari nuk ka dhënë informacione.

Ai i ka thënë Dukagjinit se nuk i lejohet të deklarohet për mediat në Kosovë, derisa ka rekomanduar të kontaktohet MPJD-ja.

Pavarësisht përpjekjeve të televizionit, nga MPJD nuk kanë thënë më shumë sesa bënë të ditur përmes komunikatës të premten.

Ndërsa, sipas avokatit të Hasan Dakajt, arrestimi i tij ishte politik.

“Arrestimi i Hasan Dakaj është çështje politike, veprim politik, presion politik dhe se përveç ndalimit të kundërligjshëm, ai nuk ka asnjë veprimtari kriminale për asnjë vepër penale. Pas kërkesës time si avokat, janë aktivizuar MPJD-ja dhe tashmë presim që presioni ndërkombëtar të jetë i mjaftueshëm që klienti im, Hasan Dakaj të lirohet sa më shpejtë”, ka thënë Xhevdet Smakiqi.

Dakaj ishte arrestuar së bashku me vëllain, Xhavitin. Ky i fundit tanimë është liruar.

Dakaj nuk është rasti i vetmi veteran i arrestuar nga policia serbe.

Nezir Mehmetaj ishte arrestuar në po të njëjtën pikë, në janar të vitit 2020 nën pretendimin e autoriteteve serbe se ka kryer krime lufte gjatë vitit 1999.

Më Shumë

Liria e Prizrenit nuk dorëzohet, prezanton tre prurje cilësore

Liria e Prizrenit është e fundit në tabelë, por ata vazhdojnë të kenë shpresa për mbijetesën dhe për këtë arsyeje po bëjnë përforcime. Skuadra prizrenase...

Havzi Nela, zani kushtrues i një shpirti ngadhënjimtar

Në ndërmendjen e përvjetorit të lindjes së poetit, tuj kumtu mirënjohje për krejtçfarë ai e shkroi me gjak mbrojti me kalvar, ngucemi tash me...

Lajmet e Fundit