Shtetet e Bashkuara të Amerikës e inkurajojnë Serbinë që të mësohet të jetojë në fqinjësi me Kosovën, sepse kjo do ta ndihmojë të ecë përpara.
Kështu është shprehur ambasadori amerikan në Beograd, Michael Kirby , në një intervistë për revistën serbe “Nedelnik”.
“Në qoftë se i kujtoni Gjermaninë Lindore dhe Perëndimore gjatë të njëjtës periudhë, gjermanët e lindjes thoshin se ishin të pavarur, kurse gjermanët e perëndimit u thoshin se nuk ishin, por ata gjithsesi jetonin pranë njëri-tjetrit, ndoshta jo si miq të mirë. Edhe ju do të bashkëjetoni me Kosovën, e cila do të administrohet nga Prishtina. Dhe kjo do t’ju ndihmojë të ecni përpara, ta përmirësoni ekonominë, sistemin juridik, hytë apo nuk hytë në Bashkimin Evropian”, ka thënë Kirby.
Ambasadori i SHBA-ve ka shprehur bindjen se shumica në Serbi e ka kuptuar tashmë se rruga drejt BE-së është e mirë.