Në sallën e famshme të koncerteve në Paris, “Bataclan”, do të mbahen sërish koncerte, por kjo vetëm në nëntor, atëherë kur edhe mbushen një vit që kur kryeqyteti francez ishte cak i disa sulmeve terroriste që lan rreth 130 persona të vdekur.
Bëhet e ditur se në skenën e “Bataclan” do të ngjitet më 16 nëntor këngëtari britanik Pete Doherty, kurse dy ditë pas tij Youssou N’Dour.
Rikujtojmë se 90 nga 130 personat që u vranë në sulmet e 13 nëntorit ndodheshin në koncertin e grupit nga SHBA “Eagles of Death Metal” në “Bataclan” dhe se ndër viktimat ishte edhe menaxheri i tyre.
Edhe ky grup ka shprehur dëshirën që të kthehen për të performuar sërish në “Bataclan”. Ata madje e vazhduan koncertin e mbetur në gjysmë në muajin shkurt në Olympia në Paris, duke i ftuar të gjithë të mbijetuarit e sulmeve të bëhen pjesë e koncertit.
Pas asaj që ndodhi më Paris shumë artist të famshëm anuluan koncertet e tyre në shtetin francez, për shkaqe sigurie.
Ndër ta ishte edhe grupi legjendar U2, që koncertin e planifikuar për nëntor e majti në muajin dhjetor dhe këngën e titulluar “Streets of Surrender” ua dedikoi të gjithë viktimave të Parisit.