Kandidati i PDK-së për kryetar të Prizrenit, Shaqir Totaj, ka premtuar se,nëse zgjedhet kryetar i Komunës, do të anulojë tenderin e shpallur nga Qeveria aktuale e Ramadan Mujës, për shtratin e ‘Lumbradhit’.
“Sigurisht se do të anulojë këtë tender”, ka thënë Totaj në një debat në RTV Besa, shkruan “PrizrenPress”.
Anulimin e këtij tenderi kanë premtuar se do ta bëjnë edhe kandidatëtë e tjerë për kryetar të Prizrenit, Mytaher Haskuka, Hatim Baxhaku, Zafir Berisha dhe Lulëzim Kabashi.
Muajin, e kaluar Komuna e Prizrenit ka nënshkruar kontratën për ndërtimin e shtratit të lumit “Lumëbardhi”, që buxhetit lokal e qendror pritet t’i kushtojë më shumë se 1 milion euro.
Vlera e parashikuar e kontratës nga ana e Komunës për këtë aktivitet të prokurimit ka qenë 3 milionë euro, por operatori ekonomik NPN “Çlirimi” është shpallur fitues me tenderin në vlerë prej 1 milion e 68 mijë eurove. Lënda e kontratës është “rregullimi i shtratit të Lumëbardhit, i cili kalon mes përmes qytetit të Prizrenit”./PrizrenPress.com/