Po shuhen pak e nga pak dyshimet mbi arsyen e vdekjes së këngëtarit Florian Kondi, i quajtur ndryshe edhe si `Doktor` Flori.
Shefi i Urgjencës në QSUT, ku edhe u drejtuan akuzat për mungesën e dhënies së shërbimit në kohë, thekson se vdekja e tij ka ardhur nga mbidoza, pas vdekjes klinike nga një arrest kardio-vaskulare.
“Në orën 10 e 05 është telefonuar në shërbimin tonë për një rast emergjencë dhe menjëherë është nis ekipi mjekësore dhe në 10.08 minuta është gjendur në vendin e ngjarjes. Personi Florian Kondi ishte në vdekje klinike arrest kardio vaskular nga ovërdoza. Në këtë moment është tentuar rikthimi në jetë nga ekipi mjekësore nëpërmjet reanimimit zemër mushkri dhe i është injektuar adrenalinë, por pamundësi rikthimi në jetë. Është çuar në QSUT nga autoambulanca jonë në prani të ekipit mjekësor dhe vëllait”, tha Naim Lusha, shkruan Start.
Sipas tij, në çdo turn ka tre automjete autoambulancë, 6 mjekë, 5 infermiere dhe tre shoferë. Ai tha se do të bëjë kallëzim penal në adresë të pastorit protestant, i cili hodhi akuza në media ndaj Urgjencës së QSUT-së, sipas së cilit ambulanca nuk kishte ardhur në koha dhe mjekët kishin kërkuar që ta sillnin me automjet privat.
“Do bëjmë kallëzim penal për shpifje në adresë të shërbimit të urgjencës për pastorin dhe vëllain e viktimës që kanë ngritur akuza”, tha ai.