Gjatë vikendit, në rajonin e Prizrenit janë raportuar dhjetëra vatra zjarresh të cilat janë lokalizuar falë intervenimit të zjarrfikësve
Sipas policisë, zjarre ka pasur në numër më të madh të dielën si në Arbanë tek varrezat; Landovicë; Lagjja Dardani, Luzhnicë e Suharekë e vende të tjera.
” Për shkak të temperaturave tepër të larta e për pasojë në natyrë bari është tharë i cili paraqet rrezik potencial për përhapjen e zjarreve të përmasave të mëdha” thuhet në njoftimin e policisë së Prizrenit.
Këta të fundit apelojnë tek qytetarët që të kenë kujdes dhe të mos përhapin vatra zjarri si djegja e hamulloreve djegja e gomave, bërllokut, hedhja e bishtave të cigareve nga veturat, hedhja e prushit në ambient të hapur nga tangarët apo grillat që i përdorin qytetarët nëpër oborre por edhe pushuesit gjatë pushimeve në natyrë.
Zjarr vënia është vepër penale dhe si e tillë trajtohet nga policia./PrizrenPresss.com/