Pas një goli të shkëlqyer kundër Tottenhamit në Ligën e Kampionëve, një javë më parë, sulmuesi argjentinas, Mauro Icardi, është “zhbllokuar” edhe në Seria A.
Kundër Fiorentinës, 25-vjeçari shënoi golin e parë në Itali për edicionin 2018/10 dhe pas ndeshjes ka shpërthyer kundër kritikuesve.
“Rrjetet sociale dhe gazetat duhet të flasin më pak. Unë kam 120 gola prapa shpinës sime, nuk jam i shqetësuar në lidhje me këtë. Isha i qetë”, siguroi Icardi pas ndeshjes.
Kur u pyet në lidhje me rinovimin e kontratës, Icardi u përgjigj: “Çdo vit më pyesin për këtë gjë, por jam i qetë”.
“Vazhdoj të bëj punën time. Klubi dhe gruaja ime duhet të flasin mbi këtë temë”, shtoi ai mes tjerash.