Kanë filluar tashmë të dalin detajet nga zhvillimet brenda partisë që momentalisht drejton qeverinë.
Kjo pasi, një nga deputetët, Visar Korenica, ka pranuar se kryeministri ia kërkoi dorëheqjen për shkak të votës kundër Projektkodit Civil.
Veç kësaj, ai shtoi se nuk ka dashur ta bëjë një gjë të tillë, ku më pas pasoi shkarkimi.
Siç tha Korenica, njoftimin për shkarkim e mori përmes “emailit”.
“Shkarkimi ka ndodh në muajin prill pas mosvotimit të Kodit Civil nga ana ime. Prej muajit prill e deri para emërimit të koordinatorit të ri, nuk e kam parë të arsyeshme të flasë për këtë. Mua më është komunikuar vendimi me email, se kryesia e VV’së ka marrë vendim për me ju liru nga pozicionit të koordinatorit, ju faleminderit për kontributin tuaj deri tashmë”, tha Korenica në T7./ Nacionale