Ministria e Shëndetësisë në Shqipëri, në komunikimin e përditshëm për shtyp, ka bërë me dije se numri i personave të prekur nga koronavirusi ka shkuar në 42, nga 38 që ishte 24 orë më parë.
Zëvendësministrja e Shëndetësisë Mira Rakacolli njoftoi se janë katër raste të reja me virusin Covid-19 pas testimit të 27 personave të dyshuar, mes të cilëve qytetarë dhe personel shëndetësor.
Me përditësimin e shifrave në Tiranë janë 26 raste të regjistruara me koronavirus, në Durrës 5 raste (një prej të cilëve ka ndërruar jetë”, në Lushnje 2 raste, në Elbasan 2, 5 raste të Fier dhe 2 në Rrogozhinë.
Rakacolli bën me dije se 17 persona të prekur janë shtruar në Spitalin Infektiv dhe 3 prej tyre janë në terapi intesive, ndërsa pjesa tjetër e të shtruarve në pavion janë në gjendje të stabilizuar.
Në Institutin e Shëndetit Publik janë testuar deri në këto momente 17 personel shëndetësor, kontakt të të sëmurit të sëmurit të identifikuar me COVID-19 në spitalin “Shefqet Ndroqi”, i cili aktualisht po trajtohet në spitalin Infektiv. Rezulton se 2 prej tyre, personel shëndetësor kanë rezultuar pozitivë. Janë pa simptoma, në gjendje të mirë shëndetësore dhe të vetëizoluar.
Në fund të deklaratë se saj zv/ministrja e Shëndetësisë dhe Mbrojtjes Sociale iu bëri edhe njëherë thirrje qytetarëve që të bashkëpunojnë për të ndihmuar në përballimin e kësaj situate, shkruan A2, transmeton Klan Kosova.