Janë gjithsej 37,427 aplikime prej gjithsej 97 shteteve të botës në 17 kategori të ndryshme si inovacionet, filmi, dizajni, media, kreativiteti dhe brendet e kompanive të ndryshme.
Të gjitha janë pjesë e edicionit të 61-të të Festivalit Ndërkombëtar të Kreativitetit “Cannes Lions” i cili sivjet mbahet në datat 15-21 qershor në Kanë.
Për një javë të tërë rreth 12 mijë delegatë nga 95 shtete vizitojnë një prej festivaleve kryesore botërore të kreativitetit, dizajnit dhe komunikimit.
Sivjet në këtë festival për herë të parë ka konkurruar edhe shteti shqiptar, bashkë me San Marinon dhe Ganën.
Emrat si Bono, Gisele Bundchen, Andre Kassu e të tjerë janë disa prej fytyrave publike që sivjet vijnë në festival në disa trajnime dhe masterklasa të organizuara me të pranishmit.
Festivali në ditën e fundit ndan edhe çmimet të cilat vijnë nga vlerësimi i 17 jurive ndërkombëtare që ndajnë 17 çmime në po 17 kategoritë e festivalit.