11.8 C
Prizren
E premte, 31 Mars, 2023

Shtëpia e Sterjo Spasses shndërrohet në muze

Aty ishte lindur para 106 vjetëve një nga letrarët e parë që romanin shqip e pasuroi me tema e motive të reja. Në shtëpinë dykatëshe të Sterjo Spasses në Gollomboç, Bashkia Liqenas, tashmë ka nisur puna për restaurimin e saj. Lajmin e ka bërë të ditur ministrja e Kulturës, Elva Margariti, pasditen e së premtes.

Sipas saj, projekti në fjalë është bashkëpunim ndërkufitar mes Bashkisë Liqenas, Komunës së Manastirit, me ndihmën e Drejtorisë Rajonale për Trashëgimi Kulturore në Korçë, si dhe financimit të Bashkimit Evropian.

“Jo vetëm objekt kujtese për autorin e romanit të parë filozofik shqiptar, ‘Pse?’, por edhe një nxitje zhvillimi për të gjithë zonën e Prespës”, ka shkruar Margariti në faqen e saj në “Facebook”, ndërkohë që ka plasuar edhe një video sesi do të duket shtëpia-muze me eksponatet e shkrimtarit të njohur nga këto anë.

Drejtoria Rajonale e Kulturës në Korçë tashmë ka nisur punimet restauruese. Në Muzeun e parë në Pustrec do të ekspozohen edhe objekte tradicionale të zonës. “Ky është një projekt ndërkufitar, i financuar nga BE-ja. Ka qenë një punë shumë e madhe për të realizuar shtëpinë-muze të Sterjo Spases, që lidh më së miri vendin tonë edhe Maqedoninë e Veriut. Një urë e tillë lidh dhe kombinon turizmin dhe trashëgiminë kulturore. Është muzeu i parë lokal, që ndërtohet në këtë zonë”, citohet të ketë thënë Gjergji Koki, drejtori i Drejtorisë Rajonale të Kulturës në Korçë.

Sipas Pali Kolevskit, kryetar i bashkisë Pustec, ka thënë se vlerësimi i figurës së Sterjo Spases, e meritonte një projekt të tillë.

Më Shumë

Arrestohet një person në Vërmicë

Një person është arrestuar në Pikën Kufitare të Vërmicës. Arrestimi i tij është bërë me urdhër të gjykatës. PKK Vermicë 23.03.2023 – 18:50. Në bazë të...

Kurti në Krushë: Kemi përgjegjësinë që brezat e ardhshëm të mos kalojnë në vuajtet që kemi kaluar ne

Kryeministri Kurti ka bërë sot homazhe në Krushë të Madhe dhe Krushë të Vogël. Pas homazheve ai ka folur para gazetarëve. Ai tha se përkulet me...

Lajmet e Fundit