17.8 C
Prizren
E premte, 24 Maj, 2024

Shtrenjtohet gruri, tash sigurisht edhe buka

Çmimet e grurit janë rritur ndjeshëm në tregjet globale, pasi Rusia ka paralajmëruar se do t’i ndalojë anijet që shkojnë drejt porteve të Ukrainës.

Çmimet e grurit në bursën evropiane u rritën për 8.2 për qind për ton të mërkurën, ndërsa ato të misrit u rritën për 5.4 për qind.

Rritja e çmimit të grurit ndodhi pasi Moska u tërhoq nga marrëveshja e OKB-së që siguronte kalim të sigurt për dërgesat e grurit që kalonin në Detin e Zi, shkruan BBC.

Në tri netët e fundit Rusia ka bombarduar hambarët e grurit të Ukrainës në Odesa e qytete të tjera, teksa ka parlajmëruar se nga e enjtja çdo anije që shkon në Ukrainë do të konsiderohet në anën e “regjimit të Kievit”.

Zëdhënësi i Shtëpisë së Bardhë, Adam Hodge, tha se Rusia po planifikonte t’i godiste anijet civile dhe ta fajësonte Ukrainën.

Ndërkohë në një paralajmërim të ngjashëm me atë të Rusisë, Ukraina ka thënë se anijet që shkojnë drejt porteve ruse ose të pushtuara në Detin e Zi mund të shihen si transportuese të ngarkesave ushtarake.

Më Shumë

Ylli i Leipzig në listën e ngushtë të Bayern-it

Bayern Munich me sa duket po shikon drejt RB Leipzig si pjesë e planifikimit të skuadrës për sezonin e ri. Dani Olmo thuhet se...

Xhaka për sekretin e suksesit të Leverkusen-it: Pimë gjak çdo mëngjes

I pyetur për të zbuluar sekretin e suksesit të Bayer Leverkusen-it këtë sezon, Granit Xhaka tha me shaka se ata “pijnë gjak çdo mëngjes”. I...

Lajmet e Fundit