24.8 C
Prizren
E enjte, 18 Gusht, 2022

Shtyhet sërish gjykimi për korrupsion ndaj ish-inspektorit të Prizrenit

Në Gjykatën Themelore në Prizren, këtë të enjte është shtyrë sërish seanca për korrupsion ndaj të akuzuarit Nexhmedin Musliu, ku mbrojtësja e tij, avokate Valbonë Morina ka kërkuar shtyrjen e seancës pasi që nuk i kishte disa shkresa të lëndës.

I akuzuari Musliu, po ngarkohet se duke mos ndërmarrë veprime, i ka mundësuar Mehmet Palushit ndërtimin edhe të një kati dhe mospagesën e taksave komunale, ndërsa Kuvendit Komunal i ka shkaktuar dëm në vlerën e taksave të papaguara dhe ka dëmtuar infrastrukturën e qytetit në zonën e ndërtimit “Qylhan, raporton “Betimi për Drejtësi”.

Avokatja Morina, tha se dje e ka pranuar autorizimin nga i akuzuari Musliu dhe se nuk posedon të gjitha shkresat e lëndës për këtë çështje penale.

Për këtë, ajo ka kërkuar që seanca e sotme të shtyhet dhe se e njëjta do të kërkoj nga prokuroria që të pajiset me shkresat që i mungojnë.

Mungesa e kushteve ligjore për mbajtjen e kësaj seance bëri që ajo të shtyhet.

Ndryshe, sipas aktakuzës së Prokurorisë Themelore Prizren, të ngritur më 25 shtator 2019, Nexhmedin Musliu akuzohet për veprën penale të keqpërdorimit të pozitës apo autoritetit zyrtar.

Ai akuzohet se prej 21 nëntorit 2016 e në vazhdim, në Prizren, në cilësinë e personit zyrtar-inspektor komunal i ndërtimit, duke shfrytëzuar detyrën zyrtare apo autoritetin zyrtar, nuk i përmbush detyrat zyrtare të tij me qëllim të përfitimit të dobisë për tjetrin.

Në aktakuzë thuhet se i akuzuari nuk e inspekton dhe nuk ndërmerr veprime kundër mbindërtimit pa leje të bërë nga investitori Mehmet Palushi, i cili duke ndërtuar objektin e tij ka tejkaluar lejen për një etazhitet, leje kjo e lëshuar nga Drejtoria për Urbanizëm dhe Planifikim Hapësinor në Komunën e Prizrenit.

Sipas aktakuzës, i akuzuari Musliu, duke mos ndërmarrë veprime, i ka mundësuar Mehmet Palushit ndërtimin edhe të një kati dhe mospagesën e taksave komunale, ndërsa Kuvendit Komunal i ka shkaktuar dëm në vlerën e taksave të papaguara dhe ka dëmtuar infrastrukturën e qytetit në zonën e ndërtimit “Qylhan”. /BetimipërDrejtësi

Më Shumë

VIDEO | Robert Berisha ndan momente intime me partneren gjatë pushimeve

Robert Berisha dhe partnerja e tij Laureta kanë qenë shpesh në qendër të medieve rozë që kur bënë lidhjen e tyre publike. Ata shpesh...

Stuhi shiu e erë, parashikimi i motit për pesë ditët e ardhshme

Përgjatë fundjavës parashihet të ketë të reshura shiu, ditën e shtunë në formë rrebeshesh me bubullima, derisa ditën e diel reshjet do të jenë...

Lajmet e Fundit