Vendimi i Akademisë suedeze që t’i ndajë çmimin Nobel për letërsi, austriakut Peter Handke, ka nxitur reagime të jashtëzakonshme, duke qenë se Handke ka qenë një përkrahës i regjimit të Sllobodan Millosheviqit.
Lidhur me një vendim të tillë për The New York Times ka folur sekretari i Akademisë Suedeze, Mats Malm, i cili ka thënë se “nuk është në mandatin e akademisë që të balancojë kualitetin letrarë në raport me qëndrimet politike”, transmeton Gazeta Express.
Ndërkohë në anën tjetër CNN gjithashtu u ka kërkuar një koment nga Fondacioni Nobel lidhur me vendimin për t’ia dhënë Handkes çmimin për letërsi.
Nga ky fonacion kanë thënë që “asnjëherë nuk i komentojnë përzgjedhjet e pavaruara të cilat jepen nga institucionet të cilat zgjedhin laureatët për Çmime Nobel”.
Lidhur me këtë vendim ka reaguar edhe ambasadorja e Republikës së Kosovës në Washington, Vlora Citaku, ish-ministri i Jashtëm, Petrit Selimi, shkrimtari me famë botërore, Selman Rushdie e historian nga Britania e Madhe, të cilët janë shokuar me një vendim të tillë të Akademisë Suedeze.
Handke ka marrë pjesë në ceremoninë e varrimit të kasapit të Ballkanit, Sllobodan Millosheviq./GazetaExpress/