Sekretari i Përgjithshëm i LDK’së, Ismet Beqiri, ka përjashtuar çdo mundësi që vendi të shkojë në zgjedhje të reja.
Duke folur për Epokën e Re, ai ka thënë se nuk ka asnjë arsye faktike dhe juridike që Kosova të shkojë prapë në zgjedhje.
Beqiri ka deklaruar se është absurde të thuhet, sidomos nga zyrtarë të PDK’së, se koalicioni LDK-AAK e Nisma është duke e penguar formimin e institucioneve të reja.
Ai mendon se zyrtarët e PDK’së janë në panik, pasi e kanë kuptuar se nuk i kanë numrat për ta formuar Qeverinë e re.
Sipas tij, koalicioni LDK-AAK-Nisma partinë e Hashim Thaçit e sheh pjesë të opozitës.