Ministri i Punëve të Brendshme, Skender Hyseni, ka deklaruar se në javët, dhe muajt e ardhshme do të kthen qytetarët të cilët kanë migruar ilegalisht në vendet e BE-së.
Hyseni ka bërë me dije se nuk ka shanse që qytetarët e Kosovës të fitojnë azil në vendet e BE-së. Ai ka thënë se arsyet e migrimit janë të natyrës ekonomike dhe sociale.
Hyseni gjatë raportimi në Komisionin Parlamentar për Integrime Evropiane ka bërë me dije se nesër (e martë) do të zhvillohet një takim në Beograd në mes të drejtorëve të policisë nga Gjermania, Austria, Hungaria, Kosova dhe Serbia për çështjen e migrimit.
Ministri Hyseni ka folur edhe për procesin e liberalizimit të vizave. Ai ka thënë se MPB-ja i ka plotësuar kriteret që kanë dalë nga udhërrëfyesi për vizat./Epoka e re/