11.8 C
Prizren
E shtunë, 1 Prill, 2023

S’ka pasur trafikim organesh të serbëve dhe as krim të organizuar nga UÇK-ja

Clint Williamson-prokurori amerikanNuk ka prova për trafikim të organeve të njerëzve, nuk ka prova për krim të organizuar dhe as papërgjegjësi nga Shtabi i Përgjithshëm i ish Ushtrisë Çlirimtare të Kosovës, thuhet në hyrje të raportit të kryeprokurorit të Task Forcës, Clint Williamson, i cili është marrë me hetimin e akuzave të ish-senatorit zviceran në Këshillin e Evropës, Dick Marty, rreth pretendimeve se UÇK-ja ka kryer krime gjatë luftës në Kosovë.

E përditshmja serbe “Danas”, duke u thirrur në burime diplomatike në Bruksel, shkruan se pretendimet për trafikim organesh me serbët e zënë rob nga UÇK-ja janë hedhur poshtë, pasi nuk janë gjetur prova që vërtetojnë se pjesëtarë të UÇK-së janë marrë me krime të këtij lloji.

“Por, prokurori Williamson ka gjetur prova të mjaftueshme për të ngritur aktakuzë ndaj gjashtë deri në dhjetë ish-pjesëtarëve të ish Ushtrisë Çlirimtare të Kosovës të cilët pretendohet se kanë kryer krime lufte ndaj civilëve serbë në Kosovë”, shkruan e përditshmja Danas, raporton lajmi.net.

Raporti i prokurorit amerikan pritet të publikohet brenda pak ditësh, ndërsa aktakuzat ndaj ish-pjesëtarëve të UÇK-së, nëse do të ketë të tilla, ato do të trajtohen nga Gjykata Speciale, e cila u themelua muaj më parë me vendim të Kuvendit të Kosovës, dhe e cila pritet të ketë selinë në Prishtinë dhe Hagë.

Më Shumë

Bën dasmën 500 mijë dollarë, mjeku nga Korça tregon historinë e bukur të dashurisë me indianen

Mjeku korçar është bërë shumë i njohur në rrjet, pasi ka bërë një dasmë tradicionale indiane, e cila ka kushtuar plot 500 mijë dollarë. Në...

Arrestohet tiranasi, hakoi llogaritë e disa kosovarëve në Facebook e përfitoi mbi 100 mijë euro

Policia e Shqipërisë ka bërë të ditur se ka arrestuar një 28-vjeçar nga Tirana nën dyshimin se kishte hakuar llogaritë e Facebookut të disa...

Lajmet e Fundit