Një oficer policie në Komisariatin e Burrelit ka provokuar nisjen e disa hetimeve të brendshme.
Shkak janë bërë mesazhet e shumta që ai u dërgonte drejtuesve më të lartë, deri edhe ministrit të Brendshëm, Saimir Tahiri, duke denoncuar aferat seksuale në këtë komisariat.
Pas hetimeve është zbuluar se personi që i dërgonte këto mesazhe është oficeri i policisë, B. Xh.
Numri i tij i telefonit ishte kthyer në makth, raporton Panorama.
“Shefi L.A flirton e punonjësen…”, shkruante ndër të tjera ai.
Këto mesazhe ai ua dërgonte edhe familjarëve të oficerëve të policisë.
Shërbimi i Kontrollit të Brendshëm ka nisur procedurat e penalizimit të oficerit që bënte denoncimet, por më pas hetimi është ndërprerë për arsye që nuk dihen.
Vetë oficeri B. Xh. ka marrë një raport mjekësor dhe nuk është paraqitur në punë ditët e fundit.
Ai ka raportuar edhe lidhje të policëve me elementë kriminalë.
Si pasojë e denoncimeve të tij, disa policë janë transferuar.