Asamblisti i AAK-së, Bujar Nerjovaj ka ngritur çështjen e punësimit të tij si mësimdhënës në seancën e sotme të Asamblesë Komunale të Prizrenit.
Ai ka pyetur drejtorin e Drejtorisë së Arsimit, Nexhat Çoçajn se a ka qenë konkursi publik dhe se a ka pasur të drejt edhe ai të konkurrojë.
Në vend të shqetësimeve të qytetarëve, Nerjovaj ka shfrytëzuar pozitën e asamblistit që në mbledhjen e Asamblesë të ngritë çështjen e punësimit të tij.
Drejtori i Arsimit, Nexhat Çoçaj, ndërkaq nuk është përgjigjur në pyetjen e Nerjovajt.
Kryetari i Prizrenit, Ramadan Muja ka punësuar dje asamblistin e AAK-së, Bujar Nerjovaj. Punësimi i tij është bërë pas shantazhit që koalicioni i AAK-së ia ka bërë kryetarit Ramadan Mujës, për punësimin e militantëve të partisë së tyre.
Muja është detyruar të pranojë në punë si mësimdhënës asamblistin e AAK-së, Bujar Nerjovajn në shkollën “Pjetër Budi” në Lugisht të Hasit.
Punësimi i asamblistit të AAK-së, Bujar Nerjovaj është bërë dje, një ditë para votimit të buxhetit.
Ndërkaq, asamblisti i AAK-së, Bujar Nerjovaj në seancën e sotme të Asamblesë Komunale ka kërkuar nga mediat dhe asamblisti i VV-së, Arbër Rexhajn që të mos bëjnë “zhurmë” për punësimin e tij. /PrizrenPress.com/