Miliarderi Donald Trump, ka fituar me lehtësi në 5 shtetet verilindore që votuan të martën. Kështu, ai ka shkuar më pranë zgjedhjes si kandidat i republikanëve në zgjedhjet presidenciale të Shteteve të Bashkuara të Amerikës.
Ndërsa nga ana tjetër, Hillary Clinton arriti të fitojë në 4 shtete, Kënektikat, Delauare, Mariland dhe Pensilvani. Në Rode Ajlënd ishte Bernie Sanders ai që triumfoi.
Sipas BBC-së, rivalët e miliarderit njujorkez tashmë e kanë larguar vëmendjen nga verilindja, për t’u fokusuar në zona të tjera. Ted Cruz dhe John Kasich kanë bashkuar forcat për të ndihmuar njëri-tjetrin në Indiana, Oregon dhe Nju-Meksiko.
Trump e quajti fushatën kundër tij “Të ndalim Trump-in” një përpjekje “të mjerë” dhe e akuzoi Partinë Republikane se po e trajton atë padrejtësisht, duke e cilësuar sistemin e emërimit si të “manipuluar”