28.8 C
Prizren
E diel, 7 Gusht, 2022

Sot ditë historike për basketbollin e Kosovës dhe Shqipërisë

Sot do të nënshkruhet marrëveshja. Sot do të hedhet e zeza mbi të bardhën. Sot do të jetësohet ëndrra e shumë shqiptarëve. Sot, është dita vendimtare.

Pas një pune të gjatë dhe intenstive, në Tiranë (ora 19:00), do të nënshkruhet marrëveshja për formimin e Ligës Unike mes Kosovës dhe Shqipërisë.

Një ligë me tetë skuadra. Katër më të mirat nga të dy vendet. Ëndrra e kamotshme bëhet realitet për formimin e një lige mes dy vendeve shqiptare.

Federata e Basketbollit e Kosovës (FBK) dhe Federata e Basketbollit e Shqipërisë (FSHB) kanë punuar një kohë të gjatë për këtë projekt madhor, që sot bëhet realitet.

Marrëveshjen do ta nënshkruajnë, Presidenti i FSHB-së, Z. Avni Ponari, kryetari i FBK-së, Z. Arben Fetahu, në praninë e Znj. Besa Shahini, Ministre e Arsimit, Sportit dhe Rinisë në Shqipëri dhe Znj. Vlora Dumoshi, Ministre për Kulturë, Rini dhe Sport e Kosovës.

I pranishëm në këtë ceremoni do të jetë edhe Kryeministri i Republikës së Shqipërisë, Z.Edi Rama, i cili njëherësh do të zbulojë edhe logon e Ligës UNIKE.

Gjithashtu në ceremoninë e nënshkrimit të marrëveshje do të jetë edhe Presidenti i FIBA Europës, Turgay Demirel.

Demirel, vitin e kaluar kishte qenë në Kosovë për të ofruar përkrahje për basketbollin e Kosovës.

Më Shumë

Datat e ndeshjeve të fazës së parë të Superligës

Komisioni i Garave e ka përpiluar orarin e plotë të ndeshjeve të BKT Superligës për fazën e parë. Edicioni i ri i garave nis më...

Nagavci e quajti të papranueshëm kërcënimin për grevë nga SBASHK-u, reagon Jasharaj: Ministre sa shumë të ka ndryshuar funksioni dhe kolltuku

Kryetari i SBASHK-ut, Rrahman Jasharaj ka reaguar ndaj deklaratës së Ministres së Arsimit, Arbërie Nagavci e cila tha se kërcënimi i SBASHK-ut me grevë...

Lajmet e Fundit