5.8 C
Prizren
E mërkurë, 1 Shkurt, 2023

Sot një vit Ronaldo e Messi kishin përballjen e fundit

Sot (e marte) janë bërë një vit, kur për herë të fundit janë përballur dy fituesit më të shumtë të Topit të Artë, Lionel Messi dhe Cristiano Ronaldo.

Bëhet fjalë për ndeshjen e fundit të grupeve në Ligën e Kampionëve të edicionit të kaluar, ku Juventusi i Ronaldo-s arriti të fitonte me rezultat 0:3 në udhëtim te Barcelona e Messi-t.

Në atë ndeshje doli të triumfonte edhe Ronaldo përballë Messi-t, pasi që portugezi shënoi dy gola dhe kishte një paraqitje shumë të mirë.

Mirëpo, në të dyja rastet Ronaldo shënoi nga penalltia, një në minutën e 13-të, ndërsa tjetrin në të 52-tën, kurse golin tjetër e realizoi McKennie.

Si Barça ashtu edhe Juve arritën të kualifikoheshin tutje nga faza e grupeve, ku të dyja grumbulluan nga 15 pikë, me italianët që u pozicionuan në vendin e parë për shkak të ndeshjes më të mirë direkte ndaj spanjollëve.

Vlen të ceket, se menjëherë në fazën e 1/8-ve të finales, dyja skuadrat u eliminuan, ku Barcelonën e mposhti PSG-sa, ndërsa Juventusin e mundi Porto.

Kujtojmë që kjo ishte ndeshja e fundit në të cilën u ballafaquan dy rivalët e dekadës së fundit në futboll, Lionel Messi dhe Cristiano Ronaldo.

/Albanianpost.com

Më Shumë

Aksion kundër drogës në Prizren: Arrestohet pronari i një lokali masazhi, kapet me kokainë

Një aksion nga Drejtoria për Hetimin e Trafikimit me Narkotikë i zhvilluar të hënën në Prizren ka rezultuar me arrestimin e një personi të...

Sulmuesi që po shkëlqen me Napolin kërcënon Romën

Nëse Napoli është realiteti më i bukur italian, por mbase edhe europian këtë sezon, atëherë ai përfaqësohet nën emrin e një bomberi, që gjithashtu...

Lajmet e Fundit