Sot zbulohet busti i dëshmorit të kombit Reshat Çoçaj.
Zbulimi bëhet në Qendrën Kulturore “Reshat Çoçaj” në fshatin Gjonaj të Hasit, ora 11:00.
Busti është financuar nga familjarët, ndërsa të pranishëm në zbulimin e tij, do të jenë përfaqësuesit e institucioneve qendrore dhe lokale, shkruan “PrizrenPress”.
“Me këtë rast do të mbahet edhe një fjalim rasti, ku do të flitet për jetën dhe veprën e dëshmorit, ndërsa bashkëluftëtarët do t’i evokojnë kujtimet për jetën e dëshmorit”, njofton OVL në Has.
Anëtarët e SHKA “Malësori” nga Gjonaj do ta japin një program artistik.
Zbulimi i bustit të dëshmorit Reshat Çoçaj bëhet në kuadër të festave të Nëntorit. /PrizrenPress.com/
