Drejtoresha ekzekutive e Spitalit të Përgjithshëm “Prim. Dr. Daut Mustafa” në Prizren, Dr. Narqize Arënliu Hoxhaj, të premten ka pritur në takim përfaqësues të CIMIC-ut italian, që veprojnë në kuadër të trupave paqeruajtëse të KFOR-it në Kosovë, të vendosur në Komandën Rajonale Perëndim (RC-W) në Pejë.
Ajo njoftoi përfaqësuesit e CIMIC-ut italian për gjendjen e përgjithshme në spital, punën dhe shërbimet që ofrohen, si dhe për të arriturat e institucionit.
Po ashtu, u prezantuan projektet që janë në proces e sipër dhe ato që planifikohen për të ardhmen.
Takimi kishte karakter informues, bashkëpunimi ishte i ndërsjellë, dhe u diskutua për mundësinë që CIMIC-u italian të ofrojë mbështetje për Spitalin e Përgjithshëm “Prim. Dr. Daut Mustafa” në Prizren.
“Ky takim na mundëson të prezantojmë punën dhe arritjet tona, dhe të ndërtojmë ura bashkëpunimi me partnerët ndërkombëtarë”, tha ajo./PP/
Marketing
