Parlamenti Studentor i UPZ-së ka marrë vendim që të përkrahin protestën gjithëpopullore kundër arrestimit të komandantit të Zonës Operative të Dukagjinit, ish Kryeministrit të Kosovës dhe Kryetarit të AAK-së Ramush Haradinaj.
Kryesia e Parlamentit, ju bën thirrje studentëve që t’i bashkangjiten protestës, nesër.
“Parlamenti Studentor ju bën thirrje të gjthë studentëve të Universitetit “Ukshin Hoti” Prizren, që t’i bashkëngjiten protestës gjithëpopullore në mbështetje të Komandantit të Ushtrisë Çlirimtare të Kosovës, Ramush Haradinaj, që është organizuar nga Organizatat e dala nga lufta e shenjtë e UÇK-së”, thuhet në komunikatën e Kryesisë së Parlamentit Stdudentor të UPZ-së.
“Të gjithë e dimë se Gjenerali ynë po mbahet padrejtësisht në Francë, prandaj me moton “Haradinaj është Kosova” do protestohet në mënyrë paqësore, të shtunën, datë 21.01.2017, në ora 13:00, në sheshin “Zahir Pajaziti” në Prishtinë”.
“Me pjesëmarrjen tonë do të tregojmë se studentët janë zë i fuqishëm që dinë gjithmonë t’u paraprijnë proceseve të rëndësishme dhe kësisoj do të përçojmë mesazhin e përkrahjes së pakusht për luftën e pastër çlirimtare të djemve dhe vajzave më të mira të Kosovës.
Nisja do të bëhet në mënyrë të organizuar nga Stacioni i Autobusëve në Prizren në ora 10:30. ”./PrizrenPress.com/