Policia e Kosovës ka bërë me dije se dje ka arrestuar dy meshkuj shqiptarë në fshatin Dubravë të Suharekës, pasi që të njëjtit kanë sulmuar fizikisht dhe me një mjet të prehtë (thikë) një tjetër mashkull shqiptar.
Motivi i rastit, sipas Policisë, dyshohet se ka të bëjë me ‘fajde’, raporton PrizrenPress.
Njësiti policor në vendin e ngjarjes ka gjetur dhe ka konfiskuar një shufër metalike dhe një automjet.
Viktima ka pësuar lëndime trupore dhe është dërguar në Spitalin e Prizrenit për trajtim mjekësor.
Me urdhër të prokurorit të dyshuarit janë dërguar në mbajtje. /PrizrenPress.com/